x

Папа Франціск поблагословив Русинам ерб і крест

00

27-го марца архієпіскоп Гуйдудорозьской ґрекокатолицькой архієпархії і метрополіта Мадярьска владыка Філіп (Кочіш) вєдно із Віров Ґіріц, представительсков Русинів в мадярьскім парламенті і Віктором Крамаренком, председом Вседержавного русиньского самосправованя в Мадярьску брали участь на авдієнції у Папы римского Франціска. Почас той стрічі, котра проходила на Площі св. Петра у Ватікані, Папа поблагословив Русинам в Мадярьску вырізаваный русиньскый ерб і крест. Деревяный крест і ерб будуть на новім ґрекокатолицькім Русиньскім путницькім домі. Тот ся буде святочно одкрывати в районі Йовжа в Дебрецині в місяці апріль того року. Будованя фінанцовала мадярьска держава. Дім бы мав быти центром, котрый не буде служыти лем Русинам в Мадярьску, но мав бы мати і роль при надвязованю контактів і співпраці з Русинами з далшых держав.

(Медвідь)