Мадярьскы депутаты в понедільок схвалили великов векшынов голосів управу законів потрібну ку запроваджіню акчного плану на охорону родины, інформовала аґентура MTI. За пропозіцію передложену міністром людьскых жрідел Міклошом Кашлером голосовало 176 депутатів. Председа опозічной Мадярьской соціалістічной партії Берталан Товт по схваліню повів, же депутаты владного блоку Fidesz-KDNP не прияли пропозіцію соціалістів, котры хотіли, жебы підпорны крокы дотуляли ся вшыткых родин і дітей.

(Медвідь,TASR)