Італія пожадала Европску унію, жебы їй додала гасічскы летадла на поміч в боротьбі проти великым пожарам, котры од суботы траплять запад Сардінії. Інформовала о тім в понедільок аґентура APA. В дослідку пожарів мусило із своїх обысть одыйти уж 1500 людей. Унія вже высловила приготовленость додати штири гасічскы летадла. Пожары суть од суботы в провінції Орістано в западній части острова Сардінія і зничіли 20 тісяч гектарів теріторії, пошкодили домы і господарьскы будинкы, о жывот приготовили звірята, пише аґентура DPA. Інформації о припадных жертвах або зранінях не были безпосередно знамы. Сітуацію комплікує і горячій югозападный вітор.

(Медвідь, TASR)