Бывша німецька канцеларька Анґела Меркелова в телевізнім інтервю высловила підпору візії модерного мултіетнічного Німецька і додала, же не розуміє роснутю голосів про протиіміґрачну партію Алтернатіва про Німецько, інформує аґентура DPA. Меркелова дала розговор станіці ZDF з нагоды святкованя 33-ой річніці зновузъєдиненя Німецька, котре одбыло ся 3-го октобра 1990-го року. Як повіла, о вопросі потомків міґрантів, котры ся вже народили в Німецьку, бісідовала вецераз з турецькым презідентом Ердоґаном і повіла му, же она є їх канцеларьков. Еродґан навщівлює Німецько часто офіціално, але так само перед вольбами у Турції, жебы аґітовати меджі німецькыма Турками з правом голосовати в Турції, припоминать DPA.

(Медвідь, TASR)