Славностнов одпустовов святов омшов в неділю кулміновала путь на левочскій Маріяньскій горі. Целебровав ю апостольскый нунцій на Словакії монс. Нікола Ґірасолі. Як про пресаґентуру ТАСР увів модератор путі Йозеф Лапшаньскый, в неділю пришло понад 100.000 путників. Тоторічна Левочска путь несла ся в духу припоминаня собі 30-го выроча навщівы святого Яна Павла ІІ. в Левочі. Апостольскый нунцій на початку увів, же в неділю в Левочі заступує папу Лева XIV., і путникам оддав його поздоровліня. „Левоча є маґнет, котрый нас притягує к Пречістій діві Марії. Левоча є маґнет, котрый нас споює з Хрістом,“ увів Ґірасолі. Орґанізаторы одгадують, же навщівность в рамках цілого путницкого тыжня перевышыла 400.000 людей. Найвеце віруючіх пришло в суботу (5. 7.), веце як 200.000. (TASR, Pkf)