Председа централной іспаньской влады Маріяно Рахой в неділю пришов до Барцелоны по першый раз од часу, коли над Каталанійов перевзяв контролю Мадрід. Рахой там брав участь на передволебній події його Людовой партії. Рахой вызвав у своїм выступі тоту векшыну, котра мовчіть, жебы брала участь на реґіоналных передчасных выборах в Каталанії, котры суть напланованы на 21-го децембра, і жебы тота векшына ясно дала знати свою позіцію ку сепаратістічным тенденціям, што бы подля нього уможнило навернутя реґіону до нормаліты. „Каталанія є Іспанія і Іспанія то Каталонія,“ выголосив премєр, подля котрого є векшына Каталанців проти незалежности реґіону, но вже місяці єй менше чути як тых, што суть за одокремліня, пише пресова аґентура DPA. За пропущіня десятьох вязненых бывшых членів одкликаной каталаньской влады і лідрів орґанізацій воюючіх за незалежность демонштровало в суботу в Барцелоні 750 тісяч людей.
(Петро Медвідь)