Депутаты Нижньой сеймовні Брітаньского парламенту не схвалили в понедільок ани єдну із штирьох алтернатівных пропозіцій ку несхваленому договору о одході Великобрітанії із Европской унії. Інформовала о тім аґентура Associated Press. Дакотры пропозіції раховали з тым, же Великобрітанія буде мати і далше близкы односины з Унійов. Влада Тересы Мейовой інформовала, же продовжує в намагах здобыти підпору про договор о брексіті. Великобрітанія бы мала одыйти з Европской унії 12-го апріля без договору, покля тот вже трираз несхваленый документ не схвалять депутаты або собі Лондон не выїднать далшый одклад брексіту.

(Медвідь, TASR)