Містьне заступительство в Снині на януаровім засіданю одобрило поданя жадостей о фінанцованя проєкту Найомных квартель Центер, котрый мать  взникнути в шыршім центрі міста на Штудентьскій улиці. Як інформовала самосправа, жадости кінцьом януара офіціално подали на Штатный фонд розвоя бываня (ŠFRB) і Міністерство транспорту СР. Проєкт загорнює выставбу 24 найомных бітовых єдноток на зеленій теріторії меджі „старов апатеков“ і будинком водарні. Цілковый келчік на выставбу вєдно з технічнов інфраштруктуров представлює 2,59 міліона евр. Новый шістьповерховый квартельный дом мать принести два єдноізбовы, 12 двойізбовых і десять тройізбовых найомных квартель. Кажда квартеля буде мати балкон і північный простор. Дом буде безбарьєровый, з ліфтом сучім про особу на возику.  (TASR, Пкф)