x

EÚ хоче аплікувати діґіталны зелены леґітімації – COVID пасы

00

Країны Европской унії (EÚ) мають охоту і снагу аплікувати діґіталны зелены леґітімації, такзваны COVID пасы, уж од 15-го юна. Увів то штатный секретарь Міністерства заграничных справ СР Мартін Клус по скінчіню вчерайшого їднаня Рады  EÚ про общі справы в Бруселі. Подля його слов тема COVID пасів была єдна з главных тем діскусій міністрів про европськы односины, причім ся знову підчеркнуло значіня коордінованых кроків при рішіню коронакрізы на рівні EÚ – почінаючі од сполочного накупу вакцін аж по плановану аплікацію COVID пасів, котры мають обывателям Европы злекшати путованя. К 15-му юну бы то мало быти уж актуалне. (TASR, Pkf)