Принимателі соціалных служеб в заряджіньох будуть мати право призначіти собі довірника на правны події. Рахує з тым новела закона о соціалных службах, котру вчера одобрило пленум Народной рады СР голосами вшыткых 132 притомных посланців. Цільом пропозиції закона є  подля пояснюючой справы зліпшіня позіції принимателів соціалных служеб, котрым ся давать  соціална служба формов цілорочного або тыжденного бываня. Іде наприклад о особы, котры мають тяжке здравотне  постигнутя або злый здравотный став, або о сеніорів. Аплікує ся прото основне право принимателя соціалных служеб в інштітуції соціалных служеб призначіти собі довірника, котрому мусить додаватель служеб ознамити вызнамны правны події. (TASR, Pkf)