Оцініня Біла ворона за гражданьску одвагу і обгайобу публічного добра призначували у вівторок вечером уж по вісемнацятый раз. Білу ворону достала троїця колышніх робітників Словацькой народной ґалерії (SNG) Богдана Громадкова, Клара Гудакова і Вероніка Нємцова, далшым лавреатом за довгодобый вклад є псіхолоґ Антон Геретік і за ціложывотный здобыв Білу ворону знова Отто Шімко. Подля орґанізаторів споює історія лавреатів актуалность і цінны одказы про сучасны вызвы. Оцініня собі перебрали в часі  славностного одоздаваня в Starej tržnici в Братіславі. (TASR, Пкф)