Народна крімінална аґентура розсліджать тендер Міністерства обороны за веце як 1,3 міліона евр про підозріня із карного чіну махінації при публічнім обстараваню. Предметом припаду має быти контракт на додавку сістемы про авіацію од комапнії Willing із субдодавательом, фірмов R-Sys, котрой чіновником быв втогды Ян Голько, сучасный ґенералный секретарь служебного уряду резорту обороны. Додавку забезпечіла компанія Willing без публічного конкурзу. Пропозіцію на розсліджіня загнав Найвысшый контролный уряд, котрый реаґовав на зверненя увагы од бывшого робітника резорту Мароша Клінчака. „Уряд інвестіцій і аквізіції Міністерства обороны мої приоминкы нияк не акцептовав і підписав контракт з команійов Willing в сумі 1 370 000 евр. Думам, же покля бы быв на тоту сістему публічный конкурз выголошеный, міністерство в тім часі могло ушпорити майже міліон евр,“ повів вчера на пресконференції Клінчак. Бізніс з комапнійов підписав резорт обороны за бывшого веджіня, коли быв у функції міністра Мартін Ґылвач за Smer-SD.
(Медвідь, TASR)