Председа влады Роберт Фіцо знова вызвав політічну сцену на реформу словацькой політічной сістемы на прінціпі слободных демократічных волеб. За його словами не може 31 партій кандідовати і не можеме зоставльовати владу на прінціпі шырокых коаліцій, котры не суть подля нього способны фунґовати. Премєр то повів почас партійной події Smer-SD з назвов 17-ый новембер – день решпекту ку іншому погляду в просторах Аґрокомплексу в Нітрі. При нагоді державного свята повів, же не мож забыти на то, же жывот на Словакії быв і перед 17-ым новембером 1989-го року. Так само выголосив, же є потребне знова почати розсліджати припад убийства новинаря Яна Куціака і Мартіны Кушніровой. Вызвав орґаны, жебы під тяжобов новых обставин, котры появили ся на меджінародній сцені, знова посмотрили ся на то, што ся стало у 2018-ім році, і конечно дали правду словацькому народу, як то із новинарьом і його зарученов было.

(Медвідь, TASR)