На протесті в центрі Братіславы вызвали опозічны партії і рухы KDH, SaS, PS і мімопарламентна партія Demokrati на конець влады премєра Роберта Фіца. Хотять го перемочі в найблизшых вольбах. Лідер PS Михал Шімечка высловив амбіцію выграти їх. На події Не возьмуть нам новембер, котра із нагоды 36-ой річніці Баршановой револуції одбыла ся на Площі слободы, брало участь коло 50 тісяч людей. Із політіків ся участным приговорили і Браніслав Ґрылінґ, Франтішек Міклошко ці Ярослав Надь. Приговорила ся і бывша премєрка Івета Радічова. Тот рік по першый раз за веце як дві декады державне свято 17-го новембра было без дня робочого покоя. Влада Роберта Фіца такый крок прияла з арґументом потребной консолідації публічых фінанцій. Презідент Петер Пеллеґріні в понедільок высловив ся, же зрушіня робочого покоя в тот день была хыба. Великы протесты проти сучасной влады проходили в містах по цілій Словакії. В дакотрых містах были орґанізованы політічныма партіями, в іншых то были гражданьскы ініціатівы. Великый протест быв і в Кошыцях.

(Медвідь, TASR)