Дотації зо штатного розрахунку ся будуть мочі удїлити і на охрану а розвиток нематеріалной културной дїдовизны. Выходить то з новелы закона о удїлёваню дотацій в пособности Міністерства културы СР, котру у четверь схвалили посланцї НР СР. Новела доповнять новый замір, на котрый може міністерство удїлити дотацію зо штатного розрахунку. Дотацію буде можне додати на підпору і розвиток одношіня ку нематеріалній културній дїдовизнї. Може іти наприклад о дотації на підпору одношіня ку штатному языку, традічній народній културї або народным традіціям,“ пояснили передкладателї. Новела мать принести і далшы зміны. Дотації на замір сприступнёваня културныx годнот школярїм і педаґоґічным заместнанцїм основныx і середнїx школ ся будуть додавати і інакшым способом неж через културны повказы. Пропонує ся в нєй і скорочіня мінімалной леготы на одстранїня недостатків жадостей о дотацію.

(TASR, Шутіова)