Польскый презідент Анджей Дуда в понедільок ветовав контроверзный закон о властницьтві медій, котрый подля крітіків міг обмеджіти слободу пресы і быв ціленый проти інформачной телевізії TVN24. Інформовали о тім аґентуры  AFP і PAP. Дуда вето оголосив у телевізнім высыланю. Польскый презідент підкреслив, же підписаня закона бы Польщу „стояло міліарды доларів“, і же у вопросі „lex TVN“ має єднакый погляд як много гражданів, же тот закон не є моментално потрібный. З недавной сондажи естоньского інштітуту United Survey вышло, же аж половина польскых гражданів є проти пропозіції медіалного закона.

(Медвідь, TASR)