Презідент СР Петер Пеллеґріні одышов у четверь на офіціалну навщіву Чорной Горы на позваня ёго напротівку Якова Мілатовіча. Спроваджають го підпредседнічка влады і міністерка господарьства СР Деніса Сакова, штатный таёмник резорту дiпломації Растїслав Хованець і заступцове академічной обці і подникательского сектора. З боку словацькой головы штату іде о першу навщіву Чорной Горы по скоро 14 роках. Головным цїлём робочой пути презідента СР є выражіня підпоры інтеґрачного процесу Чорной Горы до Европской унії а зінтензівнїня білатералных одношінь, головно в господарьскій области. Рокованя ся заміряють і на актуалный розвиток в реґіонї западного Балкану, безпечностну сітуацію в Европі і приправы на надходячій саміт NATO v Гааґу. В рамках навщівы тыж дойде ку підпису меморанда о порозуміню меджі Словацьков академіов наук а Чорногорьсков академіёв наук і умень, як і підписаня договору о академічній кооперації меджі Факултов чорногорьского языка і літературы в Цетінє і Філозофічнов факултов Пряшівской універзіты.

(TASR, Шутіова)