Маїтелї родинных домів, котры пожадали о фінанчный приспівок з плану обновы на реконштрукцію, мають ку діспозіції шпеціалну пораденьску лінку ку вызвам на доповнїня. Од понедїлька ю зрядила Словацька аґентура жывотного окружіня (САЖО), котра о тім інформовала TASR. Лінку вывжыло уж дакілько десяток людей. Ку четверю одослала Словацька аґентура жывотного окружіня высше 1 700 вызев, многы з них повторюючо тым істым жадателїм. Вызвов на доповнїня є жадатель ословленый, жебы аґентурї доповнив документы або высвітлїня, котры суть потрібны про успішне выгодночіня жадости. Жадателї, котры сі з дачім не знають дати рады, ся можуть порадити на лінцї 0907 208 721 каждый робочій день од 8.00 до 16.00 год. ,,Нашы одборны робітници выглядають їх жадость, зістять, в якім є ставі а наведуть їх ку далшым крокам так, жебы о приспівок з плану обновы не пришли,“ повказав директор САЖО Матєй Керестур.

(TASR, Шутіова)