Выставу о другій світовій войнї сприступнили у четверь на Главній уліцї в Пряшові. Надвязує на освідченый концепт попереднїх путовных експозіцій обчаньского здружіня Post Bellum. Іде о 15 оповідань людей, котры пережыли другу світову войну. TASR о тім інформовав говорця міста Владїмір Томек.  ,,Профілы людей, котры сі перешли  пеклом, суть вміщены на великоплошных транспарентох на штирёх вежах. Автором портретів є фотоґраф Томаш Галасз, автором ґрафікы з назвов Боёвник проти фашізму є Матуш Матятко,” повів Томек. Меджі героями выставы найдють люде наприклад Марту Сзулардову, котра пережыла концентрачный табор Auschwitz-Birkenau і поход смерти. Далшым героём новой выставы є правник і новинарь, арештант в концентрачнім таборі і партізан Отто Шімко. Выстава, котра в Пряшові буде до 30. октобра, є реалізована з фінанчнов підпоров Міністерства справодливости СР.

(TASR, Шутіова)