x

Презідент є за передчасны вольбы, покля бы не фунґовала влада

00

Граждане нашой країны дали в остатніх парламентных вольбах мандат тому парламенту, котрый вытворив владну коаліцію. І граждане бы очековали, же парламент буде фунґовати цілый період, на котрый быв выбратый, повів у понедільок новинарям презідент Словацькой републікы Андрей Кіска на марґо темы передчасных волеб, о котрых ся в остатнім часі бісідує в коаліції. „Покля бы приходило ку нефункчности влады, істо бы єм і як презідент повів, же передчасны вольбы суть на хосен. Но ці до того дійде або ніт, то є вопрос на владну коаліцію,“ повів Кіска. Голова державы очекує, што ся буде діяти в найблизшім часі. Днесь засідать Коалічна рада.

(Медвідь, TASR)