x

В Пряшові одбыла ся членьска громада Сполку русиньскых писателів Словеньска

00
Вчера в просторах Пряшівской універзіты в Пряшові одбыла ся членьска громада Сполку русиньскых писателів Словеньска, котрый веде як председкыня Кветослава Копорова. На членьскій громаді, котра ся сходить раз за рік, рекапітуловала ся минулорічна діялность і одпрезентовали ся планы на рік 2019. Як інформовала председкыня орґанізації Кветослава Копорова, минулый рік дістав Сполок русиньскых писателів грошы натри поданы проєкты, котры были зреалізованы. Было то выданя книжкы Міра Жолобаніча під назвов Хто ся сміє, є мудрый, далше реалізація 5-го річника Літературного конкурзу Марії Мальсовской, котрого переможцьом став Юрко Харитун і остатнім проєктом было вытворіня вебсайтовой сторінкы про сполок. Подобны планы мають писателі і на тот рік. Сполку были схвалены грошы на выданя далшой, вже третьой і єдночасно остатньой із гуморістічной трілоґії Міра Жолобаніча підназвов Хто ся сміє,є здравый. Далше дістали писателі грошы на зорґанізованя 6-го річника Літературного конкурзу і на фунґованя свойой вебсайтовой сторінкы. (Лем.фм, Пкф)