Робітници пошты в Польщі звертають увагу, же не суть способны забезпечіти голосованя поштов у презідентьскых вольбах, котры мають проходити 10-го мая. Як в понедільок інформовала аґентура Reuters, меджі невырішены проблемы належыть способ доручованя листків на голосованя адресатови, але і охорона доручователів в повязаню з інфікаційов коронавірусом. Владна партія Право і справедливость намагать ся пересвідчіти скептіків в парламенті, жебы схвалили закон, котрым ся уможнить голосованя поштов про вшыткых волічів. Іде о акт, котрый є нормално позволеный лем у вынятковых припадах, наприклад кедь воліч не годен прийти до волебной містности. Польскый сенат бы мав о владній пропозіції закона голосовати в середу. Но єден із головных союзників владной партії – партія Порозумліня, погрозив заблокованьом цілой процедуры, што бы могло значіти цілкове зрушіня голосованя поштов.

(Медвідь, TASR)