У Высокых Татрах у четверь славностно отворили новый Колаборатівный центер Світовой здравотницькой орґанізації (WHO). Іде о першый такый школячій центер на світї. В народнім інштітутї туберкулозы, плюцных хворот і грудниковой хірурґії у Вышных Гаґох ся так будуть годни веновати роботї зо зранітельныма ґрупами жытельства в бою з туберкулозов (ТБЦ) і головно школїню робітників освіты здравя. На тлачовій конференції то увела реґіонална діректорка Світовой здравотницкой орґанізації про европскый реґіон Зузана Якаб з тым, же центер не буде становленый лем про потребы Словакії, але про цілый середнёевропскый реґіон. ,,Словакія і конкретно тот інштітут є прикладом про остатнї державы, як боёвати з ТБЦ, і взором в старостливости о марґіналізованы ґрупы жытельства.“ Праві зато сьме ся розгодли такый центер отворити як раз ту.“ одводнила выбер локаліты Зузана Якаб. Увела тыж, же ромскы асістенты освіты здравя на Словакії суть моделовым проєктом і взором і про іншы европскы державы. Штатный таёмник Міністерства здравотництва СР Ярослав Рідошко сконштатовав, же отворіня інштітуту є великым успіхом словацькой медіціны. ,,Сьме в тім досправды добры, маме барз добры выслїдкы в бою з туберкулозов і добру старостливость о марґіналізованы ґрупы жытельства. Є то досправды честь, же сьме ся стали центом едукації і про іншы державы“ підкреслив.   

                                                                                                                                            (TASR, Шутіова)