Спустили першый четбот в словацькім языку на поміч жертвам домашнёго насиля

На Словеньску спустили першый четбот в словацькім языку, котрый помагать жертвам домашнёго насиля. Умела інтеліґенція Софія понукать через вебову сторінку і комунікачны аплікації неперерывну анонімну підпору. На єй розвитку кооперовав Інштітут про баданя роботы і родины (ІБРР) зо швайчарьсков незісковов орґанізаціёв Spring ACT. TASR о тім інформовала шпеціалістка про прімарну превенцію і освітовы актівіты Коордіначно-методічного центра про превенцію насиля на женах ІБРР Вєра Ботхер.,, Четбот Софія нукать пережывшым домашнёго насиля приступ ку важным інформаціям, правному пораденству і контактім на підпорны службы – анонімно, неперерывно а без занеханя діґіталной стопы,“выменовала Ботхер. Уточнила, же четбот нукать не лем переглядны інформації о тіпох і проявох насиля, але і персоналізованы усмернїня о правах і містных підпорных службах, ці безпечный діґіталный сейф про всокочіня доказів о насилю і важных документів.

(TASR, Шутіова)