По веце як місячній перерві депутаты Народной рады Словацькой републікы вернуть ся до депутатьскых лавок в середу 9-го мая. Чекать їх проґрам, котрый буде мати майже сто пунктів. Майже три десяткы пропозцій суть од влады, далшых штиридцять суть ініціатівы депутатів. Законодателів чекають і інформації о діялности обмдусманкы, комісарьок про дітей і здравотно гендікепованых. Депутаты посмотрять ся і на роботу Найвысшого контрольного уряду і тайных служеб. Одкрытый мають і вопрос управліня платів конштітучных діятелів, котрого рішіня має представити коаліція. Опозіція хоче просадити передчасны вольбы, но на тото не має доста голосів.
(TASR)