x

Списало ся затля 86 процент людей

00

До електронічного списованя жытелів ся найвеце людей запоїло такой в першый день. 15-го фебруара, коли списованя зачало, схосновало можливость самосписати ся 651 152 жытелів Словакії. На днешній пресконференції Штатістічного уряду Словацькой републікы о тім інформовали председа уряду Алксандер Баллек і ґенерална директорка Секції соціалных штатістік і демоґрафії Людмила Іванчікова. З електронічного збераня даных выходить, же ся до 31-го марца списало 4 844 007 людей, што представлює 86 процент жытелів Словакії. Поступно буде в самосправах проходити асістоване списованя, котре є наплановане до кінця октобра. В самосправах буде асістоване списованя проходити шість тыжднів і о термінах буде Штатістічный уряд допереду інформовати. Найменше людей ся електорнічно самосписало в Кошыцькім самосправнім краю.

(Медвідь, TASR)