Російскый презідент Владимір Путін в понедільок по їднаню з турецькым презідентом Речепом Таїпом Ердоґаном в Сочі повів, же в сірійскій провінції Ідліб запровадять од 15-го октобра демілітарізовану зону на одділіня сірійскых владных сил од повстанців. Інформовала о тім аґентура Associated Press. Уточнив, же в зоні будуть патрольовати турецькы силы і російска воєньска поліція. Зо зоны ся будуть мусити стягнуть радікланы мілітанты і тяжкы збрані опозічных ґруп. Провінція Ідліб, котра є при граніцях з Турційов, є остатньов баштов сірійскых повстанців, котры воюють проти презідента Башара Асада. Турція має страх з атакы сірійской армії на столицю провінції і їй околицю, што бы выкликало катастрофу про цівілістів.
(TASR, Медвідь)