Мадярьско є єдным з ключовых партнерів Росії в Европі, взаємны російско-мадярьскы односины ся обойсторонно розвивають. За інформаціями пресовой аґентуры ТАSR то повів російскый презідент Владімір Путін на зачаток стрічі с председом мадярьской влады Віктором Орбаном. Російскый презідент підкреслив, же односины фунґують добрі на уровні меджівладных комісій і реґіонів. Піддоткнув, же обходна біланція минулого року мала позитивну тенденцію, взросла о 25 процентів і за першый піврік того рока ся звышыла такым істым чіслом перцента. Взаємны інвестиції досягли скоро 857 міліонів евр.
(TASR)
Фото: TASR/AP