Чайна уж вецей як пять років розвивать свій замірь новой Годвабной дорогы з назвом Єдина путь. Европа бы немала чекати, але вытворити свій план выбудованя нового інфраштруктурного звязаня меджі западным і выходным контінентом. Віденьскый інштитут про меджінародны економічны порівнаня (WIIW) представив штудію европской Годвабной дорогы, котра бы мала дати значный економічный імпулз цілій Европі. В часі мултімедіалного проєкту ТАСР Особности: лиця, думкы о нійговорив єй сполуавтор директор Віденьского інштитуту про меджінародны економічны порівнаня Mario Holzner. Як далі Holzner повів, „Біліон евр звучіть як вынятково велика сума грошей, но фурт є то омного менше як сума призначенана оздравіня фінанчного сектора у звязку з ґлобалнов фінанчной крізов. Тото є інвестіція, котра ся часом може поступово сплачати сама векшым економічным ростом і высшым выбером дані в єднотливых країнах. Мам іщі єден арґумент в благо того, же неіде о привелё грошей. Европска унія як цілок річно втрачать якраз скоро біліон евр на даньовых уникнутях.“