Од понеділька мають суды ку діспозіції 19 новых судных знателів, тлумачів і перекладателів. Інформовала о тім говоркыня Міністерства справедливости Словацькой републікы Зузана Дробова. Новы знателі прибыли у фахах здравотницьтва, електротехнікы, ставебницьтва, писмознательства, транспорту, псіхолоґії, ці безпечности і охороны здоровля при роботі. Як повіла про аґентуру TASR Едіта Пфундтнер, державна секретарька резорту до котрой рук фаховці зложыли присягу, окремо радость міністерству зробили фаховці з псіхолоґії і писмознательства, котры барз браковали. Спискы перекладателів і тлумачів пошырили ся о шпеціалістів на анґліцькый, україньскый і німецькый язык.
(Медвідь, TASR)