Зміны в конштутічнім законі о конфлікті інтересів, котры бы мали принести і строгішы маєтковы признаня публічных функціонарів, суть іщі все вопросом. По місяцях приготовлінь в робочій ґрупі не дали до Народной рады депутаты єдну, а дві пропозіції. Єдну дали коалічны депутаты партій Smer-SD i Most-Híd. Подля шефа робочой ґрупы Мартіна Ґылвача іде о пропозіцію, на котрій договорила ся ґрупа. Другу передложыв незарадженый депутат Мірослав Беблавый, котрый є так само членом ґрупы. Опозіція під пропозіціями підписана не є. Обидві пропозіції занимають ся подобныма проблемами односно публікованя маєтків публічных функціонарів, дарів, маєтковых приростків і пошырююрь округ функціонарів, на котрых має быти закон односный. Ани єдна пропозіція не має ґарантованый успіх. На схваліня треба конштітучну векшыну. SaS коалічну пропозіцію не хоче підпорити, покля в ній не будуть пункты, котры пропонує опозіція.
(Медвідь, TASR)