Литва планує зохабити свій воздушный простор запертый поздовж части выходной граніцї з Білоросіёв аж до 1. децембра, увела у четверь аґентура BNS з одкликанём ся на литовску армаду. TASR о тім інформує подля справы аґентуры DPA. Побалтьска держава заперла часть свого воздушного простору в авґустї з доводу російско-білоросійского воєньского цвічіня Запад – 2025 а страху з можного переникнутя дронів. Зась го отворити первісно плановала в октобрі. Литовска міністерка обраны Довіле Шакаліене увела, же передовжіня превентівных кроків є потребне позераючі на недавны леґіслатівны зміны, котры литовскій армадї уможнюють ефектівнїше знешкоднёвати дроны.

(TASR, Шутіова)