Російскому політікови Алексеёви Навальному, котрый в половинї фебруара умер в арештантьскім таборї на російскій Сібірі, удїлили Драждяньску цїну міру. Тото оцїнїня ся удїлює людём за їх вынятковый принос ку міру і меджінародному порозумлїню. Як у четверь інформовала станіця Радіо Слобода, святочне одовздаваня цїны ся одбуде 12. мая в Драждянох. Цїну сі перевозьме вдова по політікови Юлія Навальна.

(TASR, Шутіова)