Америцькый міністер загранічных діл Марко Рубіо в понедільковім розговорі про телевізію ал-Джазіра крітіковав Іспанію і далшы членьскы державы НАТО за недостаточну підпору войны США проти Ірану. Вашінґтон зато буде мусити фунґованя Аліанції по тім конфлікті переоцінити. Рубіо союзників із НАТО обвинив, же Споєны штаты опустили в часі нужды. Подля Associated Press тым односно союзників наподобнив неприятельску реторіку презідента Доналда Трампа. Рубіо скаржыв ся, же Іспанія заказала америцькым літакам залученым до войны літати через воздушный простор, і Мадрід ся тым кроком „хвалив“. Потвердив так само, же Вашінґтон стрітив ся з невольов при хоснованю воєньскых баз в Іспанії і в далшых країнах.

(Медвідь, TASR)