Покля гражданы Словакії в загранічу хотять в часі пандемії поміч резорту загранічных діл на навернутя домів, мають остатню шансу на реґістрацію. Оголосив то державный секретарь Міністерства загранічных діл і европскых справ Мартін Клус. Резорт переставать од півночі 2-го апріля принимати жадости о реґістрацію гражданів у загранічу на рептріацію. Репатріації будуть подля Клуса в залежности од капаціты карантенных центрів іщі даякый час добіговати. Клус очекує, же од половины слідуючого місяця ся процес репатріацій буде мусити заперти. Реґістровати ся за його словами треба на словацькых заступительскых урядах в країні, де ся гражданы моментално находять. Покля там Словакія уряд не має, треба ся реґістровати на уряді, під котрый країна є підпорядкована теріторіално.

(Медвідь, TASR)