Пропозіція на припадне рішіня владной крізы одходом лідерів OĽaNO Іґора Матовіча і  SaS Ріхарда Сулика з влады не была. Потвердив то днесь на пресконференції міністер школства Браніслав Ґрылінґ. В одході Сулика міністер ани не видить смыслу, а повторив арґументы лібералів, чом бы мав скінчіти міністер фінанцій Матовіч. Ґрылінґ на пожадавку шефкы партії Za ľudí Веронікы Ремішовой, жебы суликовці зістали у владі до кінця зимы і енерґетічной крізы, жебы міністер не втікав перед одповідностьов, реаґовав, же Ремішовой партія цілы місяці не докаже поставити ся Матовічови. Партія бы подля шефа резорту школства мала вызывати дакого іншого. Подля Ґрылінґа є потрібне зосередити ся теперь на докінчіня плану обновы і далшых вызев, перед котрыма Словакії стоїть.

(Медвідь, TASR)