Міністерство загранічных діл і европскых справ Словацькой републікы рекомендує в повязаню з новым коронавірусом обчанам Словакії не подорожыти до жадной країны світа. Аґентуру TASR о тім інформовало пресове одділіня резорту з тым, же в припаді подорожіня до заграніча обчан підступує реалне різіко неможности або обмежіня можностей навернутя зо заграніча. Актуалны інфотмації о сітуації можуть обчане найти на сайті Міністерства загранічных діл, Уряду влады, Уряду верейного здравотницьтва ці Міністерства внутрішніх справ. Міністерство загранічных діл рекомендує вшыткым, котры суть за граніцями, жебы выхосновали можность добровольной реґістрації на сайті міністерства або посередницьтвом мобілной аплікації Svetobežka.

(Медвідь, TASR)