Україна у четверь ознамила, же поставить товарню на выробу турецькых безпілотных летадел выбавленых збранями, якы Києв передтым накупив на поужытя проти проросійскым сепаратістам на выходї країны. Інформовала о тім аґентура AFP. ,,Фундуш, на котрім буде товарня поставлена, уж быв выбратый,“ повів україньскый міністер загранічных дїл Дмітро Кулеба на сполочній тисковій конференції з турецькым партнером Мевлутом Чавушоґлом, котра ся одбыла в западоукраїньскім містї Львів. Кулеба додав, же реалізації того проєкту бранило дакілько прекажок, але ,,вшыткы были одстранены“.

(TASR, Шутіова)