x

Резорт школства дав тітул Заслужылый майстер шпорту осьмым шпортовцїм

00

Міністерство школства, наукы, баданя і шпорту СР у четверь по першый раз в історії самостатного Словеньска удїлёвало честны штатны тітулы Заслужылый майстер шпорту і Заслужылый одборник в шпортї. Лавреатами тітулу майстра шпорту ся стали осьмы олімпіоніцї, другый з тітулів сі перевзяли семы одборницї. TASR о тім інформовав одбор комунікації і маркетінґу резорту школства. ,, Штатны вызнаменаня ся шпортовцїм удїлёвали уж за минулого режіму. По револуції в тій традіції нихто не продовжовав. Зміну приніс аж актуалный закон о шпортї, котрый завів можность удїлити честны штатны тітулы не лем шпортовцїм, але і тренерім ці інакшым одборникім, котры ся вызначно заслужыли о розвиток шпорту,“ увів штатный таёмник резорту Іван Гусарь.

(TASR, Шутіова)