Словакія належыть в Европскій унії ку країнам, котрых жытелі мають довіру в Унію меншу, як є цілоеврпске середнє чісло, хоць ся европскыма гражданами чує быти аж 80 процент з них. Выходить то з нового досліджіня Евробарометра, котрый в понедільок представила Европска комісія. Комісія звернула увагу, же іде о найліпшы резултаты од юна 2014-го року, причім довіра гражданів ку Европскій унії досягла найвысшу уровень за пять років і зіставать над уровньов довіры ку народным владам або парламентам. Тото платить і про Словакію, де сондаж назначіла, же 44 процент Словаків довірює Унії, причім европске середня чісло было 46 процент. Но іде о высшу міру як в припаді народных інштітуцій. Словацькому парламенту довірює лем 27 процент звіданых, владу бере позітівно 29 процент. (Медвідь, TASR)