Почас вікенду 28-го і 29-го авґуста в ґрекокатолицькій парохії Чірч одбыв ся архієпархіалный одпуст. Проґрам завершыв ся архієрейсков літурґійов, котру одправляв пряшівскый архієпіскоп метрополіта Йоан Бабяк. І наперек непрязни погоды віруючі із сел околіці, але і цілой выходной Словакії зышли ся у великім чіслі на торжествованю праздника Успенія Пресвятой Богородіці. Торжество окрасили о укріпили своїм співом хлопи зо співацькой ґрупы „Чірчаньскы говосы“. Іщі в четверь підвечур перед одпустом о. Павел Галько одправляв св. літурґію з панахідов, по котрій Чірчане свойому облюбеному парохови Миронови Подгаєцькому одкрыли памятну таблу. Головно йому, але і іншым чірчаньскым душпастырям є в селі присвяченый Русиньскый народно-церьковный музей.

(Медвідь)