x

Кошіцькы славности вина ся одбудуть будучій рік

00

Місто Кошіцї здобыло з еврофондів скоро 24.500 евр на черезгранічный проєкт Стріча традічной і модерной винной културы на обидвох боках граніцї – Winefest. Тогорочны Кошіцькы славности вина але пересунули на будучій рік. Місто о тім інформує на своїм вебовім сайтї. Тым проєктом хотїли продовжовати в ожывеній традіції Кошіцькых славностей вина і дожінкового Абауйсанто (Abaújszantó) Фестівал. Маґістрат припоминать, же Кошіцї мали в середнёвіку свої властны півницї в токайскім реґіонї   Абауйсанто (Abaújszantó), в котрім могли ускладнёвати вино. На памятку і ожывіня той історічной скуточности хотїли в тім місяцї одбыти дві повязаны подїї. ,,Нашы парнері Абауйсанто зорґанізовали свій винный фестівал зачатком авґуста. Мы, позераючі на актуалну пандемічну сітуацію, сьме вырїшили пересунути Кошіцькы славности вина на будучій рік,“ повів одповідный ведучій оддїлїня стратеґічных проєктів і заступця директорів маґістрату Ріхард Довгый.

(TASR, Шутіова)