Роботы на выставбі железнїчного тунела під Бреннерьскым просмыком на граніцях з Італіёв были позаставлены з доводу шырїня коронавірусу. Інформовала о тім у четверь аґентура DPA з одкликанём ся на австрійскы железнїцї Österreichische Bundesbahnen (ÖBB). Шеф ÖBB Andreas Matthä австрійскому деннику Куріер повів, же роботы позаставили на приказ італійскых урядів а таксамо і з доводу обмеджінь, котры суть моментално в платности в Австрії. Тунел, котрый поведе попід Бреннерьскый просмык в австрійскій сполковій країнї Тіролско, буде мати по докінчіню довжку 64 кілометрів. Отвереный мать быти в роцї 2028.

(TASR, Шутіова)