x

Меркелова хоче приступовы їднаня з Албанійов і Севернов Македонійов

00

Німецька канцеларька Анґела Меркелова хоче, жебы на марцовім саміті Европской унії вырішыло ся о зачатю приступовых їднань з Албанійов і Севернов Македонійов. Повіла то в понедільок на стрічі з албаньскым премєром Едім Рамом в Берліні, пише аґентура DPA. Вступ споминаных країн не є подля Меркеловой лем в їх властнім інтересі, але і в інтересі Унії. В повязаню з тым звернула увагу на роснучій вплив Росії, Кітаю і Турції в реґіоні запандого Балкану. З приступовыма їднанями в осени была згодна Европска комісія і векшына членьскых держав, но заблоковала їх Франція.

(Медвідь, TASR)