Школярі на основных школах будуть мати можность спознати народностны меншыны, котры жыють на Словакії і суть державов вызначены, посередництвом новой публікації під назвов Народностны меншыны – познакомме ся (Národnostné menšiny – zoznámme sa). Як інформував Словацькый педаґоґічный інштітут (SPÚ), котрый книжку робив вєдно із фаховцями на область народностных меншын, же замірьом публікації є в лімітованім розсягу вказати здокументованы історічны повязаня жывота народностных меншын на Словакії. За русиньску народностну меншыну текст написала Анна Плішкова, директорка Інштитуту русиньского языка і културы Пряшівской універзіты в Пряшові. (ЛЕМ.фм, Pkf) (Жрідло фотоґрафій: ЛЕМ.фм)