В Спішскій Новій Всі взникне Баницьке намістя з перепоїнём берегів Горнаду. Про TASR то потвердив ведучій оддїлїня выставбы і транспорту на містьскім урядї Мілан Муха з тым, же піде о первок рекреачной зоны в містї. Самосправі ся на тот замір подарило здобыти жрідла з европскых фондів. ,,Реалізація проєкту Еколоґічно і безпечно в Спішскій Новій Всі была довгорочным цїлём міста з баницьков історіёв, на котру ся тот проєкт одкликує. В рамках нёго в локалітї прибудуть спевнены плохы, лавкы, приступова драга, освітлїня, додаткова інфраштруктура враховано вытріны і банера з баницьков історіёв коло обєкту Мултіцентра,“ приближыв Муха. Єствуючу ціклотрасу на опачнім берегу Горнаду перепоїть з Баницькым намістём нова лавка про ціклістів і пішых. На баницьку традіцію ся буде одкликати і підземне освітлїня з мапов 21 баницькых і гутницькых міст формов світел забудованых просто до длажбы.

(TASR, Шутіова)