Італійска влада бере німецько-французькый план проґраму обновы о вартости 500 міліард евр на підпору економікы ослабленой коронакрізов за крок правилным напрямом, інформовали італійскы медії з одкликаньом ся на владны джерела. Но Рим думать, же проґрам бы міг быти векшый. Сума 500 міліард евр бы могла быти зачатком обємнішого фодну обновы в рамках европского розрахунку, цітовала аґентура ANSA погляд влады премєра Джусеппе Конте. Міністер про европскы справы Ензо Амендола высловив ся подобно. Німецько і Франція передтым представили сполочный план проґраму обновы про реґіоны і области найвеце постижены коронакрізов. Европска унія бы мала потрібны грошы здобыти на капіталовім рынку.

(Медвідь, TASR)