x

Хорватьскы депутаты заголосовали за розпущіня парламенту

00

Депутаты хорватьского парламенту в понедільковім голосованю вырішыли о розпущіню парламенту перед вольбами, інформовала о тім аґентура HINA. Новы парламентны вольбы будуть меджі 21-ым юном і 12-ым юлом. За розпущіня голосовало 105 депутатів із 151-членного парламенту. Презідент Зоран Мілановіч теперь мусить становити точну дату волеб, котры будуть вже десяты од выголошіня незалежности Хорватії у 1991-ім році. Голосованя о розпущіню і передчасных вольбах оголосив премєр Андрей Пленковіч іщі минувшый тыждень. Його партія Хорватьскый демократічный союз подля премєровых слов буде у вольбах мати намагу схосновати успіхы влады при заставліню пошырьованя нового коронавірусу.

(Медвідь, TASR)