Aмерицькый презідент Доналд Трамп в понедільок погрозив, же перманентно заморозить фінанцованя Світовой здравотницькой орґанізації з боку Споєных штатів Америкы, покля в ній до 30-ох днів не дійде ку „основным зліпшіням“. Інформовала о тім пресаґентура AFP. Вашінґтон позаставив свою фінанчну підпору в половині апріля і обвинив тоту орґанізацію, же затаює і зле веде рішіня коронавірусовой пандемії. Трамп єдночасно на сіті Twitter публіковав фотоґрафію писма, котре загнав директорови Світовой здравотнивькой орґанізації. В нім інформує, же покля не прийде ку зліпшіням, Споєны штаты будуть роздумовати і о далшім членстві в тій орґанізації.

(Медвідь, TASR)