Фінландія докінчіла будованя далшой трасы із запланованого 200-кілометрового плоту, котрый будує поздовж свойой граніці з Росіов. Гелсінкы твердять, же Москва цільово підгуцкує прилив міґрантів на граніцю, і пліт їм мать заборонити перекрoчіти граніцю, інформує о тім агентура AFP. Фінландія закрыла свою 1340-кілометрову граніцю з Росіов в децембрі 2023-го року по тім, як через ню до той северской країны пришло скоро 1000 міґрантів без віз. Гелсінкы твердили, же такый напор нароком організовала Росія з цільом дестабілізовати сітуацію. Москва тото поперла. Фіньска влада наслідно в апрілю 2024-го року рішыла, же граніця з Росіов остане закрыта аж до одкликаня, і своє рішіня в тій справі о рік на то потвердила. В реакції на наріст ілеґалной міґрації Фінландія зачала минулого року будовати на граніці 200-кілометровый, 4,5 метра высокый плiт. Перша 35-кілометрова траса на юговыході країны была докінчена в маю. (TASR, Pkf)